愛群餐廳

營業中

休息中

今日約咗朋友去佢屋企睇世界盃，開波之前梗係要食飽飽先，就去咗呢一間餐廳，我問佢都已經成10點鐘仲有嘢食咩？原來呢間餐廳營業時間到晚上12點。睇吓個餐牌，嘩，有冇咁抵呀，一個鐵板餐，平均都唔使＄100？我哋一人揀咗一個鐵板餐，你可以自由配搭，要唔要餐湯麵包，或者加飯又或者意粉之類，都係多十元、八塊左右，真係抵到你唔信！而且店內這環境都算OK啊，唔講仲以為去咗啲高級嘅法國餐廳，情調氣氛都唔錯啊！件澳洲牛扒都算不過不失，分量亦唔少，咁嘅價錢真係去邊度搵呀？我就揀咗凍嘅檸檬可樂，用嚟配鐵板餐就冇得頂！冇花冇假，兩條友埋單都係＄200左右，真正的平靚正！