嵩記牛什

營業中

休息中

喺長沙灣返完教會，見天氣咁好就諗住行出旺角，一路行到去深水埗石硤尾咁啱見到呢間嵩記牛什，又有啲餓餓地就決定試試佢啦。間鋪係一般舊式粉麵鋪，入面細細間鋪得4張枱左右。入去坐低就叫左碗牛腩河多青。話咁快就上到枱，見啲腩有啲肥，當然我係唔介意嘅，對於鐘意肥腩嘅人直頭係鐘意添嘅。飲左啖湯個湯頭都香甜嘅，河粉份量多兼夾唔碎。牛腩唔會柴，啖啖都有肥勁香。唯一係佢個位置，無乜嘢真係唔會經過，今日真係想行吓先會行過有機會試到。