九份飽 (蜆殼街) (已搬遷) 新店位置

排隊嗰時好熱，舖頭員工好好人咁提供咗把扇子我們用，加分！紅燒牛肉麵幾期待牛肉麵，味道中規中矩，呢間牛肉麵的面底是油麵，有唔少牛展係面，湯有少少辣味。魯肉飯係香港平時食肉燥飯就食得多，食魯肉飯的地方真係要正宗台灣野先有，而好食的魯肉飯真係買少見少。九份飽呢到的魯肉飯係真係食到台灣食的味道，飯 & 肉 & 汁都十分高水準。飯唔單只香而且係米好彈牙，特別提下大家大魯肉飯的份量都唔細，真係一碗就食得飽你，如果諗住叫好多小食的朋友就最好叫細魯肉飯份量會比較適合。 鹽酥雞食鹽酥雞我自己覺得係食台灣野必點的菜，而平時最怕就係有D餐廳整鹽酥雞整到好乾，好似柴皮咁。但九份飽呢到有驚喜，熱啦啦新鮮炸出黎的鹽酥雞，入口時外皮係爽脆而且入面咬落去係仲有雞汁滲出黎，真係超正。咸咸地的味道，用黎送麵、送飯真係一流。肉鬆起司蛋餅呢款係九份飽我最鍾意嘅一道菜，肉鬆同芝士味道超夾，蛋上面加一層甜甜的醬，令整道菜非常加分。嚟九份飽，一定要試呢個菜！黑糖珍珠奶茶食完野之後，就試吓個珍珠奶茶。賣相已經非常吸引，飲一啖有好濃奶茶味，最特別係珍珠口感非常之軟，剛好本人鍾意軟綿綿嘅珍珠。最後飲到底帶