九井壽司 (已結業)

今天做嘢來到九龍灣嘅Mega Box，諗起曾經幫襯過嘅『九井壽司』，又掛住佢嘅送餐新幹線火車，因此又來了，之前部平板電腦係可以移動嘅，今次固定咗，起初有D唔習慣，要側身使用，之後亦都慣咗。『蒲燒厚鰻魚定食』，果然好厚身，又入味，飯面舖咗D蛋絲，靚仔咗，定食有湯，有沙律跟，正常好食而且抵食。『三文魚海膽丼定食』三文魚有成六片，好鮮甜，海膽亦好味，朋友話好食過DD超市嗰D。『味付芝麻八爪魚』和『味付螺肉』，好味彈牙，價錢平到一個點。『北寄貝』和『甜蝦』刺身超新鮮亦唔貴，食咁多嘢三佰蚊都唔使，你話係唔係好超值。