Cafe 52 (已結業)

嚟到位於元朗 以兔子做主題嘅Cafe 52🐰舖頭嘅位置其實比較近朗屏西鐵站 由朗屏站行落去大概5分鐘路程就到 都幾方便 望一望餐牌 最令我驚喜嘅係價錢 大部份嘅食物售價都好相宜 而食完之後 絕對覺得物超所值 因為食物嘅質素都相當唔錯叫咗兩個小食黑松露薯條 份量多 薯條香脆 除咗黑松露醬 亦都準備咗一兜茄汁 可以兩種口味。香辣蜜糖燒鷄翼 皮脆肉嫩 蜜糖味比辣味多。午餐我要香煎龍脷柳煎蛋飯配蕃茄沙沙醬 魚肉幾嫩 配蕃茄沙沙醬 再加煎蛋撈埋飯食 好夾。朋友要咗個豚肉腩片新鮮什菌配日式芥末忌廉汁長通粉 豚肉腩片配燒汁 口感唔錯 佢話最正係芥末忌廉汁好好味。