十二味貴陽牛肉粉 (已結業)

餐廳位於謝斐道，所以要去都可以話係要特登去食，今次都係女王話想試下。好多時候食粉麵嘅餐廳都比較舊式，亦都冇咁整齊。但呢到係感覺光鮮新穎。入到去可以發現牆壁貼滿照片和客人支持的話語，看來真的頗受歡迎。要開胃的先來一客泡菜，這裏的泡菜不同普通韓國的泡菜，是經過醃製微辣的木耳， 酸酸地又辣辣地的確開胃。咁我地就要左兩碗清湯牛肉粉同一碗紅燒牛肉粉， 為左可以試多d，我地仲加左牛筋，豆干，滷蛋，牛肚同脆哨。至於清湯牛肉粉亦唔會太過清淡， 湯底亦散發著牛肉的香味， 由於真係用牛肉熬成，所以有點兒油膩。牛肉粒有彈性有香味，而且唔會煮得太乾身鞋口。 紅燒牛肉就比較惹味。牛筋同樣出色，不同於外面的餐廳 很容易將牛筋煮至過稔。 反而係煙韌得黎帶點咬口我最鍾意既係滷蛋， 將隻蛋滷得非常入味，唔止面頭有顏色，連入面都有微微的啡色，散發著鹵水的香味。 滷得入味之餘亦唔會抽乾水分 ，入邊蛋黃依然濕潤有蛋香同彈性，好好味。