101手工涮涮鍋 (已結業)

朋友想lunch打邊爐就去左佢介紹既呢間火鍋店試下。佢話試過夜晚既唔錯，而且lunch價錢真係幾抵，所以就入去試下。湯底選擇都幾多下。因為第一次食，所以都穩穩陣陣咁點「台灣豬骨湯底」。個湯底都ok既，唔太特別，不過味精味有點濃羅。呢點真係麻麻。至於菜式方面就選左手工製蟹粉丸、沙茶牛肉同秀珍菇。料都幾足下。唔係話得少少咁，個牛肉仲要幾大塊下，所以煮既時間記得要長返少少。朋友話呢度既丸係手工打既，因為食完先知，所以無多點其他款試。個蟹粉丸既皮比出面食既彈牙，下次會再試下其他丸。而面式就選左米線。仲有一杯都幾大杯既柑吉檸檬。整體黎講係幾抵既，而且職員都好細心咁留意客人個鍋既情況，會主動加湯同提醒客人。下次會再黎食。