Error19 夢幻烤魚場 (已結業)

同小朋友學完嘢，佢話好肚餓，估唔到時間是旦搵間餐廳都俾我搵到好嘢食，原條烤魚配白飯，烤魚成個爐上，新鮮滾熱辣，味道好濃郁，啲汁用嚟送飯一流，條魚好有魚味，魚肉有口感，蕃茄汁味道酸酸甜甜，小朋友食到好開胃，佢自己一個人可以用啲汁送咗一碗白飯，就諗到真係好好味。套餐仲有串燒，小朋友最鍾意食雞肉，而我就鍾情豬大腸，唔係好多地方有串燒豬大腸食，味道好惹味，燒到有少少外脆內軟，唔經唔覺我一個人可以食到10串八串，下次送小朋友去學嘢嘅時候，可以再黎試埋其他嘢食先。