影片
更多
2021-09-08
98 瀏覽
Mcdull嘅豬朋友推介，又真係幾好食喎🐽🤤黎到銅鑼灣，打開openrice search左好耐都唔知食乜，咁多鱔稿都唔知信邊個，Mcdull就話上次同佢嘅豬朋友食過一間幾好食嘅面店，不如試下丫。心諗，好食又一餐唔好食又一餐，咪試下「唔好食」囉，低期望底下，又真係喜出望外喎。「蕃茄仔」Red Object，佢位於銅鑼灣好出名食雙腸熱狗嘅丹麥餅店附近，嗰度都真係幾多食店，對面就有榮式雞扒，側邊就有媽咪雞蛋仔，競爭都幾大。我地12:30左右等左一陣就入得，依度個好細，放得十張左右嘅二人枱，都幾迫下。店員係個細粒粒嬌滴滴嘅女仔，都幾靚,啲紋身。我一坐低，佢都幾客氣咁講：「麻煩」食完就埋單，比較多人等位。佢嘅表情肢體語言，都令我諗到佢嘅OS「食完就快叉啲走，咪鬼坐咁耐牙鬼住張枱」我明嘅，生意難撈。但講真，你寫到明限時30分鐘咪得囉，鍾意就入嚟唔鍾意就過主，咪唔洗個個都溫馨提示，多鬼魚。做人要大愛，包容。講返碗面，Mcdull叫咗蕃茄牛魔王($78)特級安格斯牛肩胛併牛展配上海面；我就叫咗蕃茄豚三寶($78)(豬手+豬扒+豬肉片)配刀削面牛肩胛有烤肉味，牛展厚砌有肉味夠淋👍蕃茄湯底濃得黎唔會希溜
黎到銅鑼灣，打開openrice search左好耐都唔知食乜，咁多鱔稿都唔知信邊個，Mcdull就話上次同佢嘅豬朋友食過一間幾好食嘅面店，不如試下丫。心諗，好食又一餐唔好食又一餐，咪試下「唔好食」囉，低期望底下，又真係喜出望外喎。
「蕃茄仔」Red Object，佢位於銅鑼灣好出名食雙腸熱狗嘅丹麥餅店附近，嗰度都真係幾多食店，對面就有榮式雞扒，側邊就有媽咪雞蛋仔，競爭都幾大。
我地12:30左右等左一陣就入得，依度個好細，放得十張左右嘅二人枱，都幾迫下。店員係個細粒粒嬌滴滴嘅女仔，都幾靚,啲紋身。
我一坐低，佢都幾客氣咁講：「麻煩」食完就埋單，比較多人等位。佢嘅表情肢體語言，都令我諗到佢嘅OS「食完就快叉啲走，咪鬼坐咁耐牙鬼住張枱」
我明嘅，生意難撈。但講真，你寫到明限時30分鐘咪得囉，鍾意就入嚟唔鍾意就過主，咪唔洗個個都溫馨提示，多鬼魚。
做人要大愛，包容。
講返碗面，Mcdull叫咗蕃茄牛魔王($78)特級安格斯牛肩胛併牛展配上海面；我就叫咗蕃茄豚三寶($78)(豬手+豬扒+豬肉片)配刀削面牛肩胛有烤肉味，牛展厚砌有肉味夠淋👍蕃茄湯底濃得黎唔會希溜溜，唔係淨係得個酸字，好味；上海面正常冇咩特別。
豬扒好食，食豬扒最緊要最緊要最緊要夠肥。豬扒乾爭爭真係好難入口，依度嘅豬扒肥得黎鬆軟，好食👍豬手同豚肉就只係正常；刀削麵就係759貨色麻麻地。
其實幾好食，但坐位太迫，服務麻麻，我應該會翻兜，不過係叫外賣拎返屋企食🤷♂️
Mcmug綜合評分：7/10，服務麻麻-0.5, 難得黃店係好食+1, 值得外賣 7.5/10
Mcdull 綜合評分：8/10，蕃茄湯底真係好好食，但係服務態度好差，令人卻步 -2= 6/10
張貼
