韓閣 (新都城中心二期)

營業中

休息中

見未食過呢一間韓國料理，所以晚餐就去咗試。因為都幾肚餓，所以今次雖然得兩個都嗌咗唔少嘢。韓國料理當然要食炸雞啦，所以二話不說就點咗個甜酸醬韓式炸雞。但係比想像中冇咁出色 。雖然佢唔係多骨，但係都有骨 。佢唔係淨雞髀肉，有啲雞胸肉，好彩肉質都好淋好Juicy 。可惜個醬只係象徵式咁淋咗一啲落個雞面，唔係完全撈勻嗰種。嗰醬唔係特別出色，太杰，唔係太惹味。我第一次飲呢隻大醬豬肉豆腐泡菜湯 。原來係咁好味嘅，啲大醬好香，唔會俾啲泡菜搶咗啲味 。啲豬肉片好爽，唔會嚡，而且份量都唔少。成個湯又唔會太辣，其實淨係飲個湯都已經飽肚。最後呢個芝士泡菜炒飯簡直係邪惡，咁多芝士又點會唔好味呀？簡直食唔停口 。雖然好飽，但都成個食晒。