富士山55 (拉麵沾麵專門店) (已結業)

朋友帶去食沾麵wor 顧名思意即係用D湯汁或者食材沾D上個麵度 去到店家好細心咁用圖文說明食用沾麵嘅步驟 先知道自己叻過籠 沾麵係日本唔算係一種歷史久遠嘅食品/法 翻查資料都不過係十零年歷史 比起我後生得多 初初係專門提供俾一D體力勞動嘅工人 配合佢哋嘅需要 所以麵條較粗而且分量頗多 同時方便工人們快速進食 所以用麵沾湯嘅方法國 令麵條在不太熱的情況下能方便迅速食用 叫咗份時令嘢-海膽沾麵 麵未到已經聞到濃濃嘅海膽味 一碗海膽濃湯加一碗鋪滿海膽同魚子嘅粗麵 邊上伴以紫菜 糖心蛋 筍條同蔥花 夾一撮麵條伴以海膽再將之浸浸落D湯度 入口先係一陣好厚好濃郁嘅海膽味 之後係麵條嘅煙靱感加上海膽又滑又rich嘅特質 令口感變得豐富 你又會因為幾粒魚子嘅脆卜卜而令到成件複雜起嚟 有時候不得不佩服日本人係設計一件事件嘅過程中 考慮前前後後嘅周詳性 佩服