影片
更多
2024-12-10
0 瀏覽
啱啱喺聖誕節去咗E for Egg🎄已經轉晒聖誕節嘅佈置，滿滿嘅聖誕氣氛🎅🏼連餐牌都有啲係聖誕節日限定，我都有叫嚟試吓‼️呢一間仲要係寵物友善餐廳🐶有一個獨立嘅位置可以比寵物入去同主人食嘢，仲要佈置成草地野餐，同毛孩過嚟打卡唔錯📸🔸滿滿蟹籽甲羅燒茶漬丼 $168蟹蓋上邊滿滿嘅蟹籽、蟹肉、蟹膏，夠晒你撈飯，驚喜位係仲有兩隻蟹腳，食蟹嘅朋友啱晒🔸金沙軟殼蟹三文魚子海鮮沙律盒子吐司 $123吐司外層帶脆，軟殼蟹夠大隻又啖啖肉，吐司入面有豐餡料，三文魚籽份量多，配海鮮沙律，我仲要加$15要埋芝士，爆曬餡料好豐富🔸開心果巴斯克蛋糕 $62食開巴斯克蛋糕嘅朋友都知道，巴斯克蛋糕最緊要內軟，好似流心咁，依一間就做到，開心果味濃郁，仲要面頭有啲開心果醬，開心果味一定夠，蛋糕好軟滑，好流心，係幾有驚喜嘅🔸聖誕限定🎄雪之豆腐巴斯克芝士蛋糕 $62想要打卡嘅就揀呢一款蛋糕，好有冬天落雪感覺，用咗豆腐做主角，味道都好香豆味，加埋芝士味，兩種味道都好平均，加上蛋糕好流心軟滑滑，質感做得唔錯🔸清新檸檬伯爵茶戚風蛋糕 $56有驚喜嘅一款蛋糕，第一啖食落去好香檸檬味，跟住就係滲出伯爵茶，戚風蛋糕做得好鬆軟，食落有種清新
已經轉晒聖誕節嘅佈置，滿滿嘅聖誕氣氛🎅🏼連餐牌都有啲係聖誕節日限定，我都有叫嚟試吓‼️呢一間仲要係寵物友善餐廳🐶有一個獨立嘅位置可以比寵物入去同主人食嘢，仲要佈置成草地野餐，同毛孩過嚟打卡唔錯📸
🔸滿滿蟹籽甲羅燒茶漬丼 $168
蟹蓋上邊滿滿嘅蟹籽、蟹肉、蟹膏，夠晒你撈飯，驚喜位係仲有兩隻蟹腳，食蟹嘅朋友啱晒
🔸金沙軟殼蟹三文魚子海鮮沙律盒子吐司 $123
吐司外層帶脆，軟殼蟹夠大隻又啖啖肉，吐司入面有豐餡料，三文魚籽份量多，配海鮮沙律，我仲要加$15要埋芝士，爆曬餡料好豐富
🔸開心果巴斯克蛋糕 $62
食開巴斯克蛋糕嘅朋友都知道，巴斯克蛋糕最緊要內軟，好似流心咁，依一間就做到，開心果味濃郁，仲要面頭有啲開心果醬，開心果味一定夠，蛋糕好軟滑，好流心，係幾有驚喜嘅
🔸聖誕限定🎄雪之豆腐巴斯克芝士蛋糕 $62
想要打卡嘅就揀呢一款蛋糕，好有冬天落雪感覺，用咗豆腐做主角，味道都好香豆味，加埋芝士味，兩種味道都好平均，加上蛋糕好流心軟滑滑，質感做得唔錯
🔸清新檸檬伯爵茶戚風蛋糕 $56
有驚喜嘅一款蛋糕，第一啖食落去好香檸檬味，跟住就係滲出伯爵茶，戚風蛋糕做得好鬆軟，食落有種清新感覺
🔸黑松露番薯薯條 $58
番薯條炸得啱啱好，份量都幾多，配咗黑松露醬，會多一重黑松露味
🔸雞翼拼盤 $58
餃子雞翼+芝麻雞翼，兩款雞翼都炸得啱啱好，芝麻雞翼好香口，餃子雞翼就係雞肉同香蔥蓉釀入雞翼裏面，啖啖肉又好爆汁
🔸千島醬紫蘇雞肉軟串$58
雞肉軟串有三串，外皮帶微脆，食落質感就係雞肉嘅柔軟，配埋千島醬，有幾重口感
🔸薯餅拼盤 $58
拼盤紫芋薯餅+南瓜薯餅，外皮炸得夠脆，兩種餡料嘅味道好出
🔸開心果特調 $56
開心果配鮮奶+豆腐，啖啖開心果味，再有陣豆腐既豆香味，杯邊沾滿開心果碎，飲落有層次有口感
🔸竹炭黑芝麻鮮奶轉脫脂奶 $38
冬天揀返杯熱飲係必須😂一杯飲品啖啖芝麻香，再有脫脂奶香味，芝麻味唔算好濃郁，但係飲落去好感覺舒服
張貼
