打邊爐海鮮火鍋燒烤店 (已結業)

又進入瘋狂打邊爐嘅季節~~今日嚟到土瓜灣。鋪頭都幾大，仲有個半戶外既area。一嚟整個象拔蚌刺身先啦，一個字，爽甜。如果冰少少仲好味。跟住揀湯底心大心細左好耐，最尾都係揀烤魚，食完成條魚仲有得滾滾下！因為係酸菜湯底，唔算太辣，條魚就好有肉地，仲好滑添。足料！主菜就梗係海鮮同肉類啦，牛肉可以話係一流，夠肥，夠咬口，夠牛味。海鮮就以大蜆同蟶子最新鮮，好甜呀！