影片
更多
2019-03-29
107 瀏覽
今日全版報紙賣行廣告，身為大埔友，梗係即刻去試吓啦！廣告單張話有火鍋放題、鐵板燒、網燒，咁咪可以一次過玩晒三樣？！ 我地兩個人去攞位，sorry呀細枱得返火鍋枱，其他係大枱，但已full晒。 嗰吓個心已經沉一沉，咁唯有食打邊邊囉，鬼叫我地得兩條友咩！ 所以要鐵板燒或網燒，最好多啲人嚟，同埋記得訂位呀！入去坐八卦望吓個場，又真係幾大，一眼就見到掛喺牆上有個用洒樽砌成嘅圓型燈飾，又幾搶眼啵。最後我地揀左C1套餐，海鮮火鍋$228一位。用QR code 點菜落單已經唔係咩新事，呢間都係用呢種模式，講真的確係好方便，係抵讚嘅。打邊爐梗係最重要個湯底啦，麻辣呀、豬骨湯呀、芫茜皮蛋呀、沙嗲湯呀都成日叫，今次見到呢個【瑤柱薏米冬瓜湯底】，咁唔洗諗就叫呢個啦⋯⋯佢地上菜極速快！非常好！煲湯就嚟左喇，一圈圓碌碌冬瓜就滾呀滾，睇就好過癮喇。海鮮一大盤，提一提先，隻龍蝦唔算大，一人有一隻，不過肉質唔太彈牙。 其他海鮮就幾新鮮嘅。其他火鍋料有丸、自家包嘅餃子、菜(出面自取的)，大路嘢。 最特別係花雕田雞腿，好巨型呀。 其實呢度都幾煙霧瀰漫，每枱網燒、火鍋、鐵板燒嘅煙加埋加埋，啲煙燻到眼都睜唔開，唔係講笑，朋友
廣告單張話有火鍋放題、鐵板燒、網燒，咁咪可以一次過玩晒三樣？！ 我地兩個人去攞位，sorry呀細枱得返火鍋枱，其他係大枱，但已full晒。 嗰吓個心已經沉一沉，咁唯有食打邊邊囉，鬼叫我地得兩條友咩！ 所以要鐵板燒或網燒，最好多啲人嚟，同埋記得訂位呀！
入去坐八卦望吓個場，又真係幾大，一眼就見到掛喺牆上有個用洒樽砌成嘅圓型燈飾，又幾搶眼啵。
最後我地揀左C1套餐，海鮮火鍋$228一位。
用QR code 點菜落單已經唔係咩新事，呢間都係用呢種模式，講真的確係好方便，係抵讚嘅。
打邊爐梗係最重要個湯底啦，麻辣呀、豬骨湯呀、芫茜皮蛋呀、沙嗲湯呀都成日叫，今次見到呢個【瑤柱薏米冬瓜湯底】，咁唔洗諗就叫呢個啦⋯⋯
佢地上菜極速快！非常好！煲湯就嚟左喇，一圈圓碌碌冬瓜就滾呀滾，睇就好過癮喇。
海鮮一大盤，提一提先，隻龍蝦唔算大，一人有一隻，不過肉質唔太彈牙。 其他海鮮就幾新鮮嘅。
其他火鍋料有丸、自家包嘅餃子、菜(出面自取的)，大路嘢。 最特別係花雕田雞腿，好巨型呀。
其實呢度都幾煙霧瀰漫，每枱網燒、火鍋、鐵板燒嘅煙加埋加埋，啲煙燻到眼都睜唔開，唔係講笑，朋友坐我對面，都望唔清佢個樣，個抽風設備真係要攪攪佢好啲喎。
最係食埋軟雪糕🍦
張貼
