潮福蒸氣石鍋 (已結業)

冬天除左打邊爐，仲有更好嘅選擇，就係去食蒸氣海鮮石鍋，呢間潮福係吾錯嘅！呢個蒸氣海鮮餐係任食嘅，包左四選自款海鮮，再送了龍蝦，同乳鴨，另外雞牛手打丸等都係任食嘅，飲品都係任飲嘅，八點半入坐仲可以有優惠，300都吾洗真係好平丫！自選海鮮我選了鮑魚，象拔蚌，聖子，同元貝，全部都好新鮮，元貝係好大隻嘅，蒸得岩岩好，肉質嫩滑，另外鮑魚都好好食，好新鮮，聖子係加埋粉絲咁蒸，粉絲入晒味，好味道丫！而任食個度，手切和牛都好正，就咁蒸，好香牛味，蒸嘅方法食就吾會un，仲保留到好多牛汁，熱辣辣幾好食，另外我雖然好飽，不過馬拉糕都好好食，蒸完好鬆軟，好好食丫！最後食埋個南瓜排骨粥加上海鮮嘅精華，煲左個幾兩小時，非常棉又好好味，正！