大大廚美食外賣

營業中

休息中

喺銅鑼灣做嘢，成日都要食得好貴，如果唔係就要等下午茶！午餐就比較難搵到一啲$30/$40嘅～ 渣甸坊後街嗰度有兩間外賣自取嘅飯店，超正， $32有嘢飲有盒飯～ 不過就要外賣返office食！今日食咗椒鹽豬扒飯，超級多豬扒，份量足又多，飯都啱啱好男仔食量~ 味道方面，好似小炒店咁樣，有鑊氣！豬扒嘅肉夠軟身同嫩~ 飯都唔硬，軟身，但係就唔夠豉油！下次叫佢俾多啲🤣🤣 同埋佢好快，即叫即整， 5分鐘就拎得，慳咗好多時間！