O’taste (禧利街)

營業中

休息中

依間韓國嘢真係好抵，有超級多材料，仲要如果食飯女士真係好難先食得晒！我今次叫咗個飯卷餐，佢除咗有成10大舊飯卷之外，仲有辣年糕同韓式粉絲。飯卷好睇你叫咩，我就叫咗豬，你見到佢餸同飯嘅比例近乎1:1,甚至飯係少啲，所以唔會怕食飯卷會食咗好多飯又無咩餸嘅依個顧慮，而且10個其實真係好多，食5,6個其實都已經飽。至於個韓式年糕，都真係幾辣，但佢煮得好夠林，唔會好難咬，而且啲辣都真係好入味，同埋年糕都好飽肚。個粉絲其實都係飽肚嘅食物，佢係油油地但好香麻油味。不過韓式餐就唔好期望佢好似啲粉麵飯咁熱辣辣，除咗個年糕之外，其他都係凍咗嘅。另外我再買咗支梨茶。