越一越南牛肉粉專門店 (已結業)

這裡係朋友介紹話好食，今日專登等男友放假就過黎試一試下，沒想到真係味道吾錯而且價錢抵食，$280差不多三人份量都夠添。這裡還有出面比較少有的辣椒醬（紅同綠色）。而且仲有海鮮醬添，可以放入湯食。青木瓜牛肉沙律，份量足又夠酸夠辣，青木瓜入味，牛肉還可以。生牛肉牛丸湯河粉，湯底味道清甜，牛肉夠嫰又夠薄身，河粉夠滑，牛丸夠彈牙。招牌拼盤，十分大份，最後仲要食吾晒，用了香料醃制味道特別，雞翼和春卷夠脆吾太油的確吾錯。香茅豬肉撈檬，豬肉醃左味道更濃，烤完十分香口，而且檬粉爽口，醬汁酸辣剛好勁開胃，足料份量三碗份量。椰汁三色冰和椰汁綠豆冰都係我地最愛，沒想到咁大杯，椰汁味比其他的店更濃同好飲，材料十足，啖啖綠豆和三色冰的材料。裝潢都以淺色為主，而裝飾都十分特別，仲播住音樂可以舒舒服服食飯。