鮨樂 (如心廣場二期)

營業中

休息中

早幾日放假，特登去荃灣行吓街，咁多好野食，中午一於去如心既Sushi Raku 鮨樂食飯飯🐷患有選擇困難症既我決定先叫個十貫壽司，可以一次試曬十款🤘🏻😎跟住再叫多個吞拿魚三色丼，啱晒鍾意食吞拿魚嘅我😝十貫壽司方面，無論係魚類抑或帆立貝、玉子燒等都好新鮮！而且每粒嘅刺身都好厚，飯又唔多，啱晒我呢啲唔太鍾意食飯但係又想食下壽司嘅人😝啖啖都係刺身，口感好正啊！而吞拿魚三色丼更加係滿足鍾意食吞拿魚嘅朋友，佢啲吞拿魚舊舊都好厚，配埋一大碗醋飯，一口接一口咁停唔到😋不得不提，呢兩個都係午市嘅定食套餐，唔單止比原價抵食，仲有跟埋沙律同麵豉湯！呢個價錢食到呢個質素嘅壽司，好滿足😋😋