野川拉麵の深燒食堂

營業中

休息中

今日8點喺元朗有個課程, 所以我帶埋老婆提早到元朗搵食，經過又新街，見到野川拉麵之深燒食堂，6點就坐左幾枱客，肯定有原因，望一望價錢，見到share同喺社交平台專頁留言，有好多嘢特價😍正呀，入去試下先。環境，懷舊設計，幾有特色，地方乾淨企理，另外有部大電視，相信睇波飲啤酒會好有feel食物方面，我叫左以下食物四品刺身盛合，刺身非常新鮮，無雪味，仲要抵食，一定要試😍😍香脆蝦角，炸得脆而不油，鮮蝦醃得好味，蝦肉亦夠爽，又一定要試👍👍椒鹽雞軟骨，正常，我相信佐酒會唔錯豚肉泡菜鍋，呢個好開胃，香、微辣，豚肉肥瘦適中，值得一試👍😍軟殼蟹天婦羅，呢個抵食到不得了，廚師技術一流，不油膩，又保持到蟹味，是日精選😍😍😍👍👍👍日式芝士年糕，幾香，ok的燒火雞腎串，我覺得呢個普通啲，要加七味粉M5澳洲和牛，火喉控制得好嘅，鎖到肉汁又嫩。👍香草內蒙羊仔架，呢個好嫩，一啲都唔羶，入味，又係可以一試。👍😌芝士蛋糕配曲奇雪糕，唔會太甜，啱晒我，但轉頭就俾我老婆食晒了😑服務方面，有3個樓面，執枱快，有禮。總結，好少一間餐廳讚咁多款菜式，性價比高，下次要再嚟，同埋飲下生啤。