三人行燒烤專門店

營業中

休息中

一晚市開返，就搵啲要堂食先好味既野食，就係食串燒啦。今日我搵到間幾正既串燒店，就係呢間三人行燒烤專門店。呢度乾淨企埋，又坐得幾舒服。呢度啲串燒燒到好靚仔，串燒可以揀唔辣同3個辣度，我揀既小辣都ok，好輕微既辣。鹽燒馬友燒得好好呀，魚用黎燒都幾高難度，呢度燒到個魚皮脆卜卜，入面魚肉就啱啱好，好滑多汁。頂級安格斯牛小排平時出去鋸扒會叫5成熟，係呢度知道會用碟上，所以叫左7成👍。燒得好靚仔，嫩嫩既。芝士雞肉薄餅好少串燒店食到呢款，爆饀，芝士拉絲，好正。仲叫左黑毛豬肋串、台灣腸、娃娃菜，yummy。呢個串燒醬都好好味架，好清新。啲串燒好掂👍，好彩早少少黎，越食越多客。