一君士多 (已結業)

有一日同男朋友行行下街見到一君士多，就撩起咗我哋食車仔麵嘅癮。🤤 因為同男朋友好鐘意周圍搵車仔麵食 貪佢夠快 夠平 😜一入到去就覺得佢嘅裝修格局好舒服、全部都行木系嘅感覺，好日式嘅感覺。乾淨企理 ☺️車仔麵來講佢都有好多選擇。開頭我係想食佢嘅酸辣米線，但係酸辣賣晒🥴下次我要早啲嚟試吓先得🤞🏼我平時食開米線都好鍾意叫好多小食，佢依家咁多選擇，搞到我都叫咗好多款。🤓🤓而身為雞翼控嘅我叫咗兩款雞翼，最後我覺得南乳雞翼比較出色嘅 🤩牛柏葉都整得好出色，好入味。係我第二款最鍾意嘅小食🤤我最喜愛嘅紅豆冰 🤤🤤我嘅主菜就叫咗豬扒米線，味道不錯 🙆🏻‍♀️男朋友就叫左個甜品做happy ending 👻