JOY LITM (已結業)

今日同男朋友黎到銅鑼灣睇戲，睇完已經係下午茶時間，我地見到呢間JOY LITM，鋪頭唔係好大間，但好有日系既裝修感覺，果然呢度真係好唔錯。我地先叫一個紅絲絨疏乎厘班戟，班戟有兩大塊，鬆鬆軟軟，每塊都好重蛋香，加上甜甜的紅絲絨，香甜濃厚，超梳乎既口感，好正呀🥳飲品我就叫佐甜草莓乳酪蓋茶，草苺味好重，飲得出係新鮮草莓打勻得出黎既味，加上乳酪就酸酸地，甜酸味配搭得好好，粉紅色一大杯，好吸睛好正(¯︶¯)男朋友就叫佐もも白桃乳酪蓋茶，白桃好鮮甜，就算係打爛佐撈埋啲茶都飲到好重白桃味😝白桃既甜加上乳酪蓋既酸，仲有濃郁茶香，味道好有層次，超級好飲呀，我已經忍唔住要係咁偷黎飲🤪