影片
更多
2018-09-02
140 瀏覽
八月之星實在有口福,今晚我嘅好姐姐就精心挑選咗呢一間喺尖沙咀寶勒巷入面嘅酒吧請我食好嘢,姐姐訂咗枱七點鐘,所以一放工嚟到就可以坐低唔洗等,如果想嚟試嘅朋友記得預早訂位喇,我哋坐咗一陣已經開始愈嚟愈多人,全場爆滿。望望餐牌,原來呢度唔止酒吧咁簡單,仲提供多國菜嘅菜單供應晚巿需要,有pasta...risotto...burger...steak...小食等等,令人花多眼亂,一時之間都唔知食乜好,所以姐姐都俾咗啲建議,我哋兩個人一齊share一個The Right place拼盤,份量都唔細小,裡面有避風塘雞全翼,香草蒜茸牛油燒太平洋蠔,燒西班牙黑毛豬腩肉伴香芒沙沙,脆炸軟殼蟹同埋黑松露菌醬燒粟米。然後我揀咗一個主食：鮮蟹肉煙肉海膽汁扭捲粉伴鮮海膽,最後我哋兩個女士都一人一杯mocktail,個名叫做DR.KITTY,姐姐話我咁鍾意Hello Kitty,呢杯嘢要叫啦
Menu上面寫住話個拼盤要等廿五分鐘,但可能我哋一邊傾計一邊等嘅關係,其實都唔覺有咁長嘅時間,叫完之後好似大約十五分鐘就有得食喇~
The Right place拼盤$298：
避風塘雞全翼👉🏻炸得好香脆香口,雞全翼好大隻,
望望餐牌,原來呢度唔止酒吧咁簡單,仲提供多國菜嘅菜單供應晚巿需要,有pasta...risotto...burger...steak...小食等等,令人花多眼亂,一時之間都唔知食乜好,所以姐姐都俾咗啲建議,我哋兩個人一齊share一個The Right place拼盤,份量都唔細小,裡面有避風塘雞全翼,香草蒜茸牛油燒太平洋蠔,燒西班牙黑毛豬腩肉伴香芒沙沙,脆炸軟殼蟹同埋黑松露菌醬燒粟米。然後我揀咗一個主食：鮮蟹肉煙肉海膽汁扭捲粉伴鮮海膽,最後我哋兩個女士都一人一杯mocktail,個名叫做DR.KITTY,姐姐話我咁鍾意Hello Kitty,呢杯嘢要叫啦 Menu上面寫住話個拼盤要等廿五分鐘,但可能我哋一邊傾計一邊等嘅關係,其實都唔覺有咁長嘅時間,叫完之後好似大約十五分鐘就有得食喇~ The Right place拼盤$298： 避風塘雞全翼👉🏻炸得好香脆香口,雞全翼好大隻,忍唔住用手食,好味道 香草蒜茸牛油燒太平洋蠔👉🏻呢個質素就有啲參差,一隻大一隻細,食到細嗰隻應該會唔開心🤭同埋味道偏淡,不過洗得乾淨冇沙,合格啦。 燒西班牙黑毛豬腩肉伴香芒沙沙👉🏻啲豬好入味,夠厚實,半肥瘦,好似食緊鴨胸肉咁,配埋芒果沙沙醬即刻開胃咗 脆炸軟殼蟹👉🏻可能我攤咗一陣先至食,所以唔夠脆,面頭開始腍,味道可以嘅。 黑松露菌醬燒粟米👉🏻估唔到黑松露菌醬搭埋燒粟米一齊食嘅感覺都幾match喎!!! 鮮蟹肉煙肉海膽汁扭捲粉伴鮮海膽$188： 好彩嚟到嘅時候發現佢份量唔多,其實兩個女士食完個拼盤都開始飽喇,不過呢個main dish嘅味道就爭小小,本身係俾佢有海膽吸引咗,但佢個汁嘅調味有小小古怪,有小小腥......同埋扭捲粉係焗得唔夠熟嘅,有某啲咬入口之後係仲有粉的,失色咗喇 杯mocktail DR.KITTY $68係無酒精飲品,標明係用荔枝,芒果同菠蘿糖漿同乳酪合成嘅,所以味道可口,酸酸甜甜,杯上面有個Kitty蝴蝶結真係好可愛🎀 姐姐好錫我,食到飽哂都仲話叫我嗌一個甜品開心下~所以我哋揀咗綠茶心太軟伴自家製紅桑子雪糕$68~嚟到之後好驚喜,原來姐姐趁我去咗廁所嘅時候同職員講有朋友生日,所以佢哋喺個甜品上面加咗支煙火出嚟,成件事真係開心哂,又靚氣氛又高漲個心太軟好好味,焗到啱啱好皮脆內流心,超香濃嘅綠茶醬喺個口腔裡面翻滾,再配一口自家製紅桑子雪糕,酸酸哋中和甜味,因為自家製嘅關係,雪糕裡面仲可以食到紅桑子籽,一粒粒咁好有咬口,好正呀 不過如果想傾計談心嘅話,呢度就唔適合喇,因為佢背景有強勁嘅音樂,再加上客人嘅嘈吵,真係嘈到拆天架酒吧當然係適合放工happy hour,一大班朋友嚟輕鬆狂歡嘅地方,呢度仲有咁多嘢食,值得推薦
Dr. Kitty
$68
24 瀏覽
0 讚好
0 留言
The Right Place拼盤
$298
12 瀏覽
0 讚好
0 留言
鮮蟹肉煙肉海膽汁扭捲粉伴鮮海膽
$188
12 瀏覽
0 讚好
0 留言
綠茶心太軟伴自家製紅桑子雪糕
$68
24 瀏覽
0 讚好
0 留言
張貼
