牛站(駅)麻辣火鍋放題

營業中

休息中

因為想食清甜椰子雞，又想食台式酸辣，還掂加$48就可以轉鴛鴦鍋，就轉啦，可以一邊辣一邊清。湯底係足料嘅，椰子雞湯底淥蔬菜菇類海鮮都份外香甜。至於酸辣鍋，佢鍋底個蜂巢豆腐同另外order嘅鴨血好夾，夠酸香辣。黎呢度第一時間叫熟食燒乳鴿皇同芝麻雞翼，因為即刻食得，仲次次都好味，又惹味又香脆。二百幾蚊嘅餐包嘅肉已經唔錯了，當中SRF美國極黑和牛片、美國安格斯牛板腱同美國牛肩胛片都係1份有3-4片，封門柳1份就有2-3片，食幾份都回本。另外，呢度嘅火鍋料有好多係高質野，好似鮮雞子、配辣鍋一流嘅台北鴨血、脆鯇魚片、沙白、蝦、帆立貝，呢個價位仲係好抵食。出去自助區除咗攞左必食嘅芋頭貢丸，見丸類菇類、菜類又有新野，當中最特別紫色羽衣甘藍、水蓮同冰菜上次黎係無嘅，仲好新鮮。紫色羽衣甘藍索汁爽脆，我覺得係全晚蔬菜No.1。職員快手，同無say no嘅態度亦值得一讚。