二世祖

營業中

休息中

佢嘅食物一直都充滿住吸引力！仲要menu定期更新！✨原個水牛芝士波鮮茄黑醋汁藜麥沙律🥗先有一個清新嘅沙律作為前菜，加上咗黑醋汁同埋藜麥感覺亦都更加健康。特別欣賞處理蕃茄嘅手法，好似三文治咁夾雜起水牛芝士嘅中間，食落去清甜又清爽，中和芝士🧀當中嘅奶滋。✨鮮藍青口蝦頭油燴飯以前嚟到都係食漢堡，但係難得見到有新嘅Menu推出當然要試一試，燴飯嘅口感非常之好，入口滿滿嘅海鮮香氣！✨鮮牛油果山葵蟹肉三文魚子多士小編本身仲好擔心山葵會搶佢味道，但係反而好好地作為咗一個配襯。牛油果同蟹肉本身已經好夾，再加埋三文魚子就多添一份口感，順帶一讚多士好香脆～✨阿祖朱古力心太軟配玄米茶雪糕。朱古力心太軟好邪惡，但係嚟到一間以朱古力為名嘅餐廳，梗係要揀黎試下。輕輕切開就有澎湃嘅朱古力效果，醬汁冇想像中嘅甜，襯上玄米茶嘅雪糕更加有中和之效！✨二世祖特濃朱古力建議一定要試一試，無論係朱古力嘅底蘊定係層次都喺口腔慢慢滲出唔同程度嘅甜，入口非常之滑～✨水蜜桃果粒茶一入到秋冬季節，喉嚨總會有幾聲乾涸，又有幾聲咳，所以一於嚟返一壺熱嘅水蜜桃茶，真係粒粒水蜜桃，味道好清好潤好香。