拳王泰國餐廳 (已結業)

當同朋友係銅鑼灣街道上爭論緊要食泰國野定日本野既時候，我地竟然搵到一間日泰都有得食既餐廳！好彩有拳王泰國餐館我地先唔洗吵落去，哈哈～餐廳第一層係拳王泰國餐館，佈這置方面都幾特別，好多關於打拳既裝飾，但樓下冇位所以店員安排左我地上樓上既原燒道場坐。環境都乾淨企理，坐得舒服。我地主要叫泰國菜，但都叫左一道日式明太子冷烏冬。前菜我地叫左酸辣鳯爪$108, 好味道，鳯爪好爽，個汁都調得幾好，但如果以$108既價錢，份量可以大份D。其實朋友就話岩岩好，但我比較大食，哈哈，最中意大份又好食既野。生菜包$108, 有得牛豬雞，我揀左豬肉。師傅將肉碎炒得好香，加左泰國香料好正。不過有d辣，唔食得辣可以同店員講聲。我自己就好食得辣，覺得好正。而且我地唔夠生菜，店員都免費加俾我地～唯一要挑剔，就係生菜唔算超級新鮮，但都鮮甜爽口既。紅咖哩$108, 揀左雞肉，份量都大。雞肉煮得幾入味，肉質又幾嫩。食咖哩點都要叫返個飯，夾埋飯食好有滿足感，唔會好辣，好香咖哩味。最後試下佢地原燒道場既食物，叫左個明太子冷烏冬$118 。夏天食真係透心涼～除左明太子，仲有玉子同埋木魚碎做配料，口感都幾豐富，不過我個人覺沙律醬可以