影片
更多
2022-05-14
47 瀏覽
《手搖提子四季春》+寒天晶球《手搖莓莓四季春》+椰果$23$23最近做緊試業優惠 第二杯半價!呢間其實係我frd平時買開嘅甜品店推薦嘅新鋪 話店主係美少女 我仲唔去爆🤤🤤🤤🤤去到發現頂平到你 $18一杯 係咪天使下凡黎 即刻要買兩杯啦係咪 結果買完返屋企先發現因為店主太靚女搞到我分哂心 唔記得要3分甜少冰 ok又有藉口再去一次🫠🫠🫠🫠🫠🍇提子四季春：本身掙扎咗好耐要提子定蘋果 但諗緊好似成日都飲蘋果 提子比較少見就揀左🤥 因為唔記得3分甜嘅關係成杯嘢都偏甜 但唔會好甜 大概係外面普遍嘅7分甜左右 因為店主傻咗落勁多果肉 所以簡直就好似飲緊提子汁咁 仲要係真實嘅提子汁嗰種 係好好飲嘅甜味 唔係糖水黎 頂我5分鐘就飲完成杯 不過唔知係咪因為四季春本身就唔係茶味重 再加上提子真係好新鮮好甜 所以幾乎飲唔到茶味 可能下次試下鐵觀音或者紅茶會好啲🥹🥹🥹寒天就都係冇咩特別 不過不失 另外想講嘅就係因為落太多提子嘅關係 最後瘋狂食到提子皮 啲皮多到卡住飲管 店主要唔要考慮隔一隔啲皮再倒落杯🤣🤣🤣🍓莓莓四季春：草莓狂點可以唔飲草莓 呢杯飲得出比提子多少少茶味 但草莓果醬嘅味道好重 唔係草莓味重 而係果
《手搖莓莓四季春》+椰果
$23
$23
最近做緊試業優惠 第二杯半價!
呢間其實係我frd平時買開嘅甜品店推薦嘅新鋪 話店主係美少女 我仲唔去爆🤤🤤🤤🤤去到發現頂平到你 $18一杯 係咪天使下凡黎 即刻要買兩杯啦係咪 結果買完返屋企先發現因為店主太靚女搞到我分哂心 唔記得要3分甜少冰 ok又有藉口再去一次🫠🫠🫠🫠🫠
🍇提子四季春：
本身掙扎咗好耐要提子定蘋果 但諗緊好似成日都飲蘋果 提子比較少見就揀左🤥 因為唔記得3分甜嘅關係成杯嘢都偏甜 但唔會好甜 大概係外面普遍嘅7分甜左右 因為店主傻咗落勁多果肉 所以簡直就好似飲緊提子汁咁 仲要係真實嘅提子汁嗰種 係好好飲嘅甜味 唔係糖水黎 頂我5分鐘就飲完成杯 不過唔知係咪因為四季春本身就唔係茶味重 再加上提子真係好新鮮好甜 所以幾乎飲唔到茶味 可能下次試下鐵觀音或者紅茶會好啲🥹🥹🥹
寒天就都係冇咩特別 不過不失 另外想講嘅就係因為落太多提子嘅關係 最後瘋狂食到提子皮 啲皮多到卡住飲管 店主要唔要考慮隔一隔啲皮再倒落杯🤣🤣🤣
🍓莓莓四季春：
草莓狂點可以唔飲草莓 呢杯飲得出比提子多少少茶味 但草莓果醬嘅味道好重 唔係草莓味重 而係果醬味重 有啲甜咗少少 最衰都係我唔記得叫3分糖🥲🥲🥲椰果方面比較驚喜係糖水味唔重 好多時候台飲店落椰果會令到成杯野由3分糖變咗做半糖 呢間還好 個椰果本身甜味唔算重 係覺得草莓果醬可以落返少啲就真 甜味太重真係唔適合夏天飲啊🤣🤣🤣🤣🤣總括黎講個人會比較鍾意提子嗰杯多少少
btw佢可以用自攜杯 而且又有靚女睇 店主話寧願蝕錢都要加多啲果肉俾客人 加雙倍奶蓋都係兩蚊咋
佢仲有其他招牌係奶昔之類嗰啲 不過我個人唔係太鍾意燕麥就冇買 下次要試埋其他果茶同埋奶昔🤤💛最緊要記得3分糖🥹
張貼
