影片
更多
2016-10-31
268 瀏覽
一向喜歡食自助餐，但係半自助餐就唔係成日試，今次經朋友推薦之下，相約一齊黎左四季禪，試試日式半自助餐既滋味。可能因爲係平日晚上6點既緣故，現場顧客唔多，只有兩三臺，環境更加安靜舒適，我地被安排到餐廳靠窗最入面既位置，竟然仲可以遠眺香港醉人夜景。名副其實對住靚景食好野，環境感覺一流。雖然可以單選自助餐，但貪心既我地都係選擇左main course+semo-buffet,如此一來就可以試更多既野食。我揀左滑蛋松葉蟹肉自家製烏冬（$498）。揀完main course要食咩之後，首先餐廳員工會先上一個壽司拼盤，包括有海膽壽司、玉子壽司、火焰三文魚壽司、北寄貝壽司同埋帶子壽司。其實每一款壽司都係任食既，不過餐廳就會俾你試曬咁多款先，之後再揀自己中意食既encore。唔可以睇少buffet既質素。雖然任食，但海膽壽司絕對高質，非常新鮮鮮甜，無腥臭味，而且口感好滑。火焰三文魚係我第二最愛，半熟三文魚油脂感豐腴，而且魚香十足。呢兩款壽司都俾我地encore左好多次，實在太令人回味。之後就到自助區。雖然係semi buffet, 但食物款式多籮籮，應有盡有，而且每一款都看似吸引，即使無main co
可能因爲係平日晚上6點既緣故，現場顧客唔多，只有兩三臺，環境更加安靜舒適，
我地被安排到餐廳靠窗最入面既位置，竟然仲可以遠眺香港醉人夜景。名副其實對住靚景食好野，環境感覺一流。
雖然可以單選自助餐，但貪心既我地都係選擇左main course+semo-buffet,如此一來就可以試更多既野食。我揀左滑蛋松葉蟹肉自家製烏冬（$498）。
揀完main course要食咩之後，首先餐廳員工會先上一個壽司拼盤，包括有海膽壽司、玉子壽司、火焰三文魚壽司、北寄貝壽司同埋帶子壽司。
其實每一款壽司都係任食既，不過餐廳就會俾你試曬咁多款先，之後再揀自己中意食既encore。唔可以睇少buffet既質素。雖然任食，但海膽壽司絕對高質，非常新鮮鮮甜，無腥臭味，而且口感好滑。火焰三文魚係我第二最愛，半熟三文魚油脂感豐腴，而且魚香十足。
呢兩款壽司都俾我地encore左好多次，實在太令人回味。之後就到自助區。雖然係semi buffet, 但食物款式多籮籮，應有盡有，而且每一款都看似吸引，即使無main course都絕對可以食到捧腹而行。
首先，前菜方面選擇有沙律，有各種新鮮蔬菜野菌可供選擇，沙律醬汁都有數款，我揀左開胃可口既芝麻醬。
再有各款冷盤，例如海鮮同埋魚生。海鮮方面例如有青口、長腳蟹、大蝦、螺肉等等，
魚生選擇就有三文魚、吞拿魚、希靈魚、甜蝦、油甘魚、劍魚等等。全部都非常新鮮高質，尤其係吞拿魚更有驚喜，入口即溶，味道同拖羅有幾分相似。
卷物選擇都非常多而且好吸引。當中鰻魚箱押壽司同埋芝士炸蝦卷最得我心。辣汁吞拿魚卷都係不錯既選擇，味道豐富，質素毫不馬虎。
除了冷盤當然仲有好多熱食選擇，天婦羅、章魚燒、燒肉，甚至有鵝肝多士提供。
非常推薦大家食鵝肝多士同埋清酒煮蜆。兩者都係好味，而清酒煮蜆更係鮮甜之餘，有清酒獨有既香氣，又清又甜。
出面semi buffet食左round之後，所點既main course就到啦。聽聞四季禪既烏冬係全自家製，而呢碗滑蛋松葉蟹肉自家烏冬味道果然唔錯。
烏冬比起一般烏冬更粗而去更有口感。湯底非常鮮甜，松葉蟹肉份量都好慷慨，
唯一可能係味道濃味左少少。
之後就到左dessert環節。甜品款式大概有4-5款，例如蜂蜜蛋糕、朱古力蛋糕、焦糖蛋糕、蕨餅等，亦有水果提供。
估唔到竟有蕨餅任食，實在太令人幸福。而且呢到既蕨餅味道好好，每一件都沾滿黃豆粉，口感煙韌，味道甜美。
呢一餐我同朋友都食得好滿足，每一款食物都非常合胃口，而且又有夜景睇，服務態度又好貼心，絕對會再黎一次。
張貼
