魚一壽司 (教育路)

營業中

休息中

今日放假朝早同老公去打完羽毛球，番屋企hea左陣，決定落元朗食個午餐再行千色店買野😁我同老公都想食日本野，於是上openrice搵下元朗有邊d日本餐廳，見到呢間評價幾好而且價錢合理，一於就呢度食啦😆餐廳地下有一排吧台位，服務員安排我地上二樓坐，差不多坐滿人客，我地坐左最後一張台。由於午市時間，午市定食都有好多款，有丼、壽司、拉麵都有，而且價錢真係非常大眾化..除左定食外仲有好多其他款揀，多到我同老公都諗左好食咩好老公最後揀左天婦羅烏冬定食 $48，仲附送三文魚豉湯同沙律，有蝦天婦羅同南瓜天婦羅，上台時熱辣辣，炸漿幾脆蝦算彈、南瓜好甜自選丼有甘多款刺身揀，我梗係吾會錯過啦..我揀左劍魚腩、三文魚腩、油甘魚腩、三文魚籽同水母全部都係我既至愛@$124。刺身質素吾錯，新鮮、特別油甘魚同劍魚腩質地爽口得來幾甘香。三文魚籽粒粒分明咬落卜卜爆開，撈埋D飯食正燒牛舌--我地兩個食日本野都差不多必食的項目，呢度燒得剛剛好，吾會韌，香口，老公好快就食曬一串有頭甘蝦---老公話d蝦好甘甜，而且兩隻蝦都算大隻、幾新鮮呢度服務員服務幾好，清理台面都清得好勤快👍🏻 而且非常抵食😆下次可以再來食晚餐。