影片
更多
2009-02-15
26 瀏覽
沒想到短短兩日又來到新世紀廣場，上次試過Appletree既食物很一般，所以今日望住商場指南都諗左好耐先決定試Le Fauchon Colours~ 來到門口，侍應冇招呼我地，連正眼都冇望過我地一眼，跟住就開始打電話…唔通我地透明？！ 等左幾分鐘先有另一個侍應問我地幾多位，之後帶我地入去一個鮮綠色做主調既地方~ 呢一邊既餐廳樓底比較矮，加上今日有好多小朋友同屋企人黎食晏，所以呢一區好嘈吵，好大回音~ 我地問侍應可唔可以搬去餐廳既另一邊，雖然唔算好樂意，不過最後都幫我地搬~睇緊餐牌既時候，有一籃微暖法式長包，烤得脆但係乾~ 好多款午餐揀，乜都有得食，所以唔知佢想賣咩菜，最後我地四個人揀左一個二人午市套餐，包括兩客餐湯，一份自助沙律，兩份三選一的主菜和特飲，主菜我們點左海鮮墨汁麵意粉和黑松露牛肉薄餅~ 另外仲要左一客汁煮牛肋骨拼薯蓉的午餐，和餃子雞翼拼煎龍利柳石頭飯午餐~ 最後爸爸見白酒煮青口既相片不錯，所以決定試一試~我一向都對自助沙律吧冇信心，因為D野放左幾耐又唔知，個個客人都掂過撩過D食物，有D人鍾意一路講野一路拎野食，唔知會唔會噴左D口水落去…所以我覺得好唔衛生~ 我冇食，不過爸爸
睇緊餐牌既時候，有一籃微暖法式長包，烤得脆但係乾~ 好多款午餐揀，乜都有得食，所以唔知佢想賣咩菜，最後我地四個人揀左一個二人午市套餐，包括兩客餐湯，一份自助沙律，兩份三選一的主菜和特飲，主菜我們點左海鮮墨汁麵意粉和黑松露牛肉薄餅~ 另外仲要左一客汁煮牛肋骨拼薯蓉的午餐，和餃子雞翼拼煎龍利柳石頭飯午餐~ 最後爸爸見白酒煮青口既相片不錯，所以決定試一試~
我一向都對自助沙律吧冇信心，因為D野放左幾耐又唔知，個個客人都掂過撩過D食物，有D人鍾意一路講野一路拎野食，唔知會唔會噴左D口水落去…所以我覺得好唔衛生~ 我冇食，不過爸爸媽媽同細佬話有一隻士多啤梨味既沙律醬幾得意，同埋薯仔沙律幾好~ 餐湯亦都好快送到，兩客甘旬忌廉湯都冇乜味道可言，兩客蕃茄什菜湯甜得嗆喉，我飲左兩啖就放棄左~
之後散叫既白酒煮青口亦同相片好大出入，最少細一倍~ 青口煮得幾好，每一隻都脹卜卜又煮得唔老，不過冇白酒味亦冇鮮味…只有好多西芹碎~ 雖然只係索價$68，但係都比我想像中難食…~
首先海鮮墨汁麵意粉最快到，原來係有D墨汁麵撈D意粉，唔熱~ 所謂既海鮮亦都少得可憐，一隻蜆，一隻青口，一粒八爪魚，連蝦都冇隻！成碟pasta都冇味…唯一可取係粉煮得有咬口唔過腍~
牛肋骨拼薯蓉 - 薯蓉係粉開出黎既，不值一提~ 牛肋骨炆得腍不過唔入味，醬汁極甜… 配菜亦係預期中冷冰冰既~ 食左一半已經唔想再食~
餃子雞翼拼煎龍利柳石頭飯 - 九唔搭八既飯，既然係韓國石頭飯，點解無啦啦又雞翼又餃子呢？個飯大得驚人，兩隻雞翼既汁都幾好味，龍利亦都煎得好香脆不過好勁雪味~ 餃子皮好厚，同飯完全唔夾~ 飯冇汁，所以食左一半就淨返白飯，唔合格~
最後有黑松露牛肉薄餅 - 幸好薄餅極薄，如果唔係就真係浪費好多食物…邊有松露？全部都係磨菇…加埋d炒過既牛肉，一D都唔夾…不過算係最放得入口架喇~
餐飲 - 巨峰提子乳酪特飲，吹波膠味…荔枝玉茶同蘋果綠茶都好苦… 早知叫返普通檸茶檸水啦>.<
埋單 $380
好難食既一餐，早知呢度既水準咁劣，我寧願上樓上食返中規中矩既Appletree~
走既時候見到有好多人等位…
咁難食都有人食？
張貼
