影片
更多
2014-07-03
2021 瀏覽
丸亀呢間烏冬以半自助方式去經營，佢最大特色就係自己決定加唔加配菜，而配菜就係以天婦羅系列主打，天婦羅既食物一向以香、脆、鮮為主，最忌就係碰到水同湯，所以丸亀都好有技巧提供碟仔盛配菜。係九龍尖沙咀區，要搵一間坐得舒服，而價錢合理既餐廳唔會太難，但難就難在連食物都要特色而且好味，好味既程度係要令你有再想翻食既感覺。今天去到丸亀叫左一個最普通既醬油烏冬加大，然後再夾左半條竹輪、一件炸雞、同埋天婦羅魷魚。咁樣就已經75蚊囉，出面一般茶餐廳可能會平十蚊，但係舒適程度就明顯不及。丸亀入口似飯堂，自己囉住個盤去點菜，好處係即時睇到佢地煮烏冬，包新鮮，不過可能係員工成日畀人望住，壓力太大，我當日見到煮烏冬既職員對住我在內既三個客人都有少少手忙腳亂，仲差D打爛野，似乎佢地需要多少少培訓先得。原本一條龍式既點餐最易塞車就係選天婦羅既位置，因為天婦羅配菜唔係每樣都煮定一堆出黎，所以如果想食某款而出面又無，要叫職員整畀你既話就好易搞到後面大塞車，而雖然佢地出既天婦羅有燈照住Keep溫度，但實情都唔係幫到幾多，油炸野本身快熱快凍，凍左就會出油，所以選擇時小心睇就知邊D係炸左好耐。我係個烏冬上面加上大量既七味粉同
係九龍尖沙咀區，要搵一間坐得舒服，而價錢合理既餐廳唔會太難，但難就難在連食物都要特色而且好味，好味既程度係要令你有再想翻食既感覺。
今天去到丸亀叫左一個最普通既醬油烏冬加大，然後再夾左半條竹輪、一件炸雞、同埋天婦羅魷魚。咁樣就已經75蚊囉，出面一般茶餐廳可能會平十蚊，但係舒適程度就明顯不及。丸亀入口似飯堂，自己囉住個盤去點菜，好處係即時睇到佢地煮烏冬，包新鮮，不過可能係員工成日畀人望住，壓力太大，我當日見到煮烏冬既職員對住我在內既三個客人都有少少手忙腳亂，仲差D打爛野，似乎佢地需要多少少培訓先得。
原本一條龍式既點餐最易塞車就係選天婦羅既位置，因為天婦羅配菜唔係每樣都煮定一堆出黎，所以如果想食某款而出面又無，要叫職員整畀你既話就好易搞到後面大塞車，而雖然佢地出既天婦羅有燈照住Keep溫度，但實情都唔係幫到幾多，油炸野本身快熱快凍，凍左就會出油，所以選擇時小心睇就知邊D係炸左好耐。
我係個烏冬上面加上大量既七味粉同埋少量鰹魚汁增加鮮味，而亦係三款配菜上加上天婦羅汁。
食左一口烏冬，發覺佢地既烏冬煮得彈性爽口韌度都洽到好處，即使係出面價錢去到幾十蚊一包既急凍新鮮烏冬都未必有咁既口感，新鮮手造即煮確實零舍唔同。
個湯雖然加左好多配味粉，但飲落口仍然飲到本身醬油既濃郁鮮味，不過飲多幾啖都會覺得口乾乾地，但係個熱湯同烏冬始終係最佳配搭，每口烏冬都混和醬油鮮香，係舌頭同牙齒之間不斷來回咬碎，煙韌性同鮮甜味刺激晒成個口既感覺。
竹輪天婦羅仲係熱熱地，但係食落唔係太有味，可能本身竹輪就唔係太有味果種食物。
胡麻炸雞雖然涼左，不過食落幾好食，外層炸皮仲係脆脆地，裡面既雞肉就好滑，雞柳肉每啖都有汁出，真係有少少出乎意料得。
海苔魷魚天婦羅就唔係太有驚喜，涼左而仲脆已經合格有餘，味道方面都少魷魚味，煙煙韌韌幾好食。
丸亀既價錢同質素絕對合理，而環境又比較靜，又可以坐得耐，唔係出面茶餐廳咁趕，如果有個地方可以邊食邊傾邊休息，呢度絕對係一個好選擇。
題外話/補充資料：
丸亀堂食完要自己將盤同碗囉去返卻口畀人清理，但事實係有部份人就咁走左去，而且有D「唔係香港人既華人」好無禮貌咁係點餐位打尖同大呼小叫，非常失禮，希望眾食家慎戒之。
(以上食評乃用戶個人意見 , 並不代表OpenRice之觀點。)
張貼
