影片
更多
2022-05-25
83 瀏覽
到到而家五月，都仲見到街上面有人着住長袖衫出街。朝頭早，其實好似仲有一點點涼意添。一時仲要暴雨警告，落住雨有時困喺屋企，真係好悶。好彩近排俾我發現到喺美孚嗰度，都有一個大型嘅娛樂地方，有得食，仲有得玩添。室內草地滾球場，多數其實見到都係一啲上咗年紀嘅人玩，但其實我覺得年輕人玩都好適合。因為本身個遊戲規則其實非常簡單，就係用波去撞波，然之後最接近一個特定嘅波咁就贏。如果滾球唔啱，其實可以玩扔飛鏢同埋打街機，呢啲應該夠晒青春啦掛。飛鏢機如果你幫襯餐飲，就可以用$5一局價錢去玩，8Rounds可以扔24支鏢。原來佢呢度仲有得做健身添，不過就只限join左月費嘅會員。不過我見佢啲設施都幾齊備又新又靚。其實係呢啲娛樂場所嘅隔離就有一個餐飲區，大家就可以坐低飲杯嘢、食正嘢，同一間正常嘅西餐廳一樣咁有高質素㗎！見佢都好似有一啲happy hour嘅promotion，有一啲小食同埋啤酒嘅套餐可以選擇，我哋就飲紅白酒。煙肉雜菜溫泉蛋沙律呢一個沙律入邊有羽衣甘藍同埋其他雜菜，已經留咗意大利黑醋同埋橄欖油，非常惹味。值得一提嘅係佢哋呢度嘅煙肉係自家製，用豬腩肉製成！肥膏已經炸出晒嚟，煙燻香味特別重，又脆口
室內草地滾球場，多數其實見到都係一啲上咗年紀嘅人玩，但其實我覺得年輕人玩都好適合。因為本身個遊戲規則其實非常簡單，就係用波去撞波，然之後最接近一個特定嘅波咁就贏。
如果滾球唔啱，其實可以玩扔飛鏢同埋打街機，呢啲應該夠晒青春啦掛。飛鏢機如果你幫襯餐飲，就可以用$5一局價錢去玩，8Rounds可以扔24支鏢。
原來佢呢度仲有得做健身添，不過就只限join左月費嘅會員。不過我見佢啲設施都幾齊備又新又靚。
其實係呢啲娛樂場所嘅隔離就有一個餐飲區，大家就可以坐低飲杯嘢、食正嘢，同一間正常嘅西餐廳一樣咁有高質素㗎！
見佢都好似有一啲happy hour嘅promotion，有一啲小食同埋啤酒嘅套餐可以選擇，我哋就飲紅白酒。
煙肉雜菜溫泉蛋沙律
呢一個沙律入邊有羽衣甘藍同埋其他雜菜，已經留咗意大利黑醋同埋橄欖油，非常惹味。值得一提嘅係佢哋呢度嘅煙肉係自家製，用豬腩肉製成！肥膏已經炸出晒嚟，煙燻香味特別重，又脆口，鹹鹹香香，而且冇化學成份，特別健康！
法式洋蔥湯
佢嘅洋蔥湯總共用咗五款蔥去炮製，有紅洋蔥、白洋蔥、紅蔥頭、青蔥等。出邊仲鋪咗一層芝士，呢一層芝士係用咗四款，食落特別香味濃郁。法式洋蔥湯最好嘅就係食果舊麵包，因為吸收晒洋蔥湯嘅鮮甜味道。
香煎鱸魚配薏米及龍蝦汁
呢一個廚師推介好啱女仔食，因為一啲都唔肥膩。而且薏米比起傳統意大利飯更加健康嘅選擇，入口煙煙韌韌，配埋香濃嘅龍蝦汁！薏米吸收晒佢嘅精華，仲有粒粒爽脆嘅誰雜菜瓜粒喺入邊，增添口感。香煎鱸魚嘅外層日都煎封得香脆，入邊保持滑嫩。
慢煮燒烤汁牛仔骨配薯仔及雜菜
嘩上枱嘅份量十分驚人，原來呢一個牛仔骨係二人嘅份量，大家share嚟食都非常足夠。見到牛仔骨出邊已經布滿左一層厚厚嘅燒烤醬汁，聞起來亦都非常之吸引，酸酸甜甜咁樣增加你嘅食慾。
呢個牛仔骨已經用慢煮機，煮咗五至六個鐘，所以你見到佢嘅肉質係非常之稔，已經稔到離晒骨。廚師亦都好細心咁樣已經切開左，所以食起嚟都非常方便。牛仔骨入邊嘅肉已經完全吸收晒左燒烤汁嘅精髓，所以食起嚟係非常之濃味。配襯埋啲露絲瑪莉嘅薯仔同埋雜瓜粒係非常匹配的。
好開心喺九龍區都有呢一個室內嘅好玩場地有咁多嘢玩，而且食物亦都超水準，落雨咩季節都啱晒一家大細嚟。
張貼
