Rimi Cafe (已結業)

平時成日以為cafe淨係玩，啲野食只係陪襯同醫肚，但係我個朋友就帶咗我去依間cafe食野，話cafe吾一定成堆先去得，估吾到都令我好驚喜。上到去見到佢將餐廳分開咗兩個部分，一邊係比人成堆去玩card game既，所以就係除鞋坐啲毛毛地毯，見到都覺得幾舒服咁。而好似我地咁去食野既就去有枱既地方。餐廳都有好多款式既野食，有主食、小食等。佢都提供咗一啲跟人數而定既餐，所以如果一堆堆嚟玩既都可以叫個啲選擇。我地得兩個人，所以就單點，叫咗一個芝士焗忌廉吞拿魚長通粉，我地見到有千層蛋糕，仲好吸引，就決定加48蚊，叫咗個餐，包餐湯、餐飲、蒜蓉包同千層蛋糕。餐湯係薯仔忌廉湯，真係有薯仔蓉係個湯入面架。蒜蓉包都好香，好有蒜蓉味個長通粉都焗得吾錯，吾會太lone，一開始以為啲吞拿魚係絲狀咁擺係啲長通粉入面，但原來係成舊既。巴馬火腿配芝士焗薯蓉，啲薯蓉好綿，配埋火腿好夾。千層蛋糕係綠茶味，啲皮都整得好薄，見到真係有好多層，手工幾仔細。