影片
更多
2022-06-20
66 瀏覽
宮崎牛，神戶牛，松阪牛大家食得多，呢間燒肉店就提供平時較少接觸嘅富良野牛，一樣咁出色！多得為食姊妹鍾意周圍試新嘢，今日又搵到間好嘢食！踏入店舖見到暖色燈光同木系裝修，已經俾人一種舒服嘅感覺，而且所有座位亦都非常寬躺舒適！經理仲話而家岬新開張，3間VIP房暫時都未設有最低消費，想自成一閣嘅朋友就要快手嘞～侍應服務貼心，除咗幫客人用油脂開爐之外，仲不時查問客人對食品嘅意見，欣賞佢哋對客人嘅體貼同用心！我地點咗份一人前，另外再加一點散叫，既可以比較兩者嘅質素，又可以試多啲唔同款式！食燒肉當然要來清新一點嘅沙律，呢度嘅香蒜蕃茄沙律，用上紅卜卜又多汁嘅新鮮蕃茄，配埋新鮮蒜蓉，即時令人胃口大開！燒肉方面，先講餐點嘅燒肉拼盤，有牛小肋排，安格斯板腱、牛舌、錦爽雞腿肉、鹿兒島豚腩同埋野菜～當中最鍾意嘅一定係牛小肋排，油脂部份非常豐富而且肉質又夠結實，燒完特別香口，但又唔會靭！安格斯板腱油花較少但比較均勻，肉質軟嫩但不失彈性。另外單點和牛肩胛肉，整片都充滿着均勻嘅油脂雪花，燒好後入口柔軟，肉味香濃但又唔會太油膩，好啱我！咪以為呢度得牛肉好食，套餐入邊嘅錦爽雞肉同埋另外單點蔥燒炭火雞腿肉，燒好後一樣軟嫩
多得為食姊妹鍾意周圍試新嘢，今日又搵到間好嘢食！踏入店舖見到暖色燈光同木系裝修，已經俾人一種舒服嘅感覺，而且所有座位亦都非常寬躺舒適！經理仲話而家岬新開張，3間VIP房暫時都未設有最低消費，想自成一閣嘅朋友就要快手嘞～
侍應服務貼心，除咗幫客人用油脂開爐之外，仲不時查問客人對食品嘅意見，欣賞佢哋對客人嘅體貼同用心！
我地點咗份一人前，另外再加一點散叫，既可以比較兩者嘅質素，又可以試多啲唔同款式！
食燒肉當然要來清新一點嘅沙律，呢度嘅香蒜蕃茄沙律，用上紅卜卜又多汁嘅新鮮蕃茄，配埋新鮮蒜蓉，即時令人胃口大開！
燒肉方面，先講餐點嘅燒肉拼盤，有牛小肋排，安格斯板腱、牛舌、錦爽雞腿肉、鹿兒島豚腩同埋野菜～當中最鍾意嘅一定係牛小肋排，油脂部份非常豐富而且肉質又夠結實，燒完特別香口，但又唔會靭！安格斯板腱油花較少但比較均勻，肉質軟嫩但不失彈性。
另外單點和牛肩胛肉，整片都充滿着均勻嘅油脂雪花，燒好後入口柔軟，肉味香濃但又唔會太油膩，好啱我！
咪以為呢度得牛肉好食，套餐入邊嘅錦爽雞肉同埋另外單點蔥燒炭火雞腿肉，燒好後一樣軟嫩多汁！炭火燒雞腿肉雖然個樣黑黑咁，一樣好味，特別佢配上香蔥同醬汁，比起錦爽雞肉多一份惹味！鹿兒島豚肉亦都好出色，鍾意將豚肉嘅油脂迫晒出嚟，燒到焦焦脆脆咁，豚肉入口香甜鬆化，下次再黎必點！
梅子茶漬飯（跟餐）同溫泉玉子紫菜飯- 前者茶漬底清清淡淡，又有梅子酸甜味中和香濃嘅燒肉味，後者有滑嘟嘟溫泉玉子配香口紫菜，配餸燒肉無得輸！
食燒肉預咗口渴，點咗白桃梳打同荔枝梳打，兩杯都有好香果味，飲落清甜唔假。平時食燒肉食到一半已差唔多飲完一杯，呢度食晒成餐飯先飲咗一半左右，我同朋友都覺得係因為呢度燒肉質素好，我地都唔需要特別點太多醬汁，而且冷氣夠抽風又好，唔會食到個人黐笠笠，讚👍🏻 ～
張貼
