影片
更多
2018-08-10
1903 瀏覽
呢間泰菜其實開咗好多年, 成日路經門口都冇入嚟食過飯, 今晚終於即興入嚟食餐飯, 食店唔係好大, 故平日的晚飯時段基本上一定fulled。夏天食酸酸辣辣嘅泰菜好啱數, 2人晚餐百零二百, 仲免加一, 抵食!咁多款.....食乜好呢？原個椰青沙冰 ($39）夏日炎炎, 等朋友之際先來個椰青沙冰降降溫, 原個椰青起肉加椰青水制成沙冰, 清甜涼快, 仲可以慢慢飲, 食完餐飯仲有得飲, 唔係冰水, 係溶咗嘅椰青水 泰式拼盤 （$59）有蝦餅、春卷、泰式香茅魚肉, 拈泰式甜酸醬, 好開胃。最好味係呢件炸香草辣魚肉, 香草味好濃烈, 爽口彈牙, yummy。鹽燒烏頭 （$105）在鹽及烏頭魚皮保護下, 燒出嚟嘅烏頭肉富魚汁, 完全唔乾, 肉質實淨冇泥味, 拈2滴泰式檸檬酸辣薑溶吃, 生色不少。揭開肚皮, 塞滿泰式香草, 這是辟腥良方, 有香葉、香茅、檸檬葉、南薑等新鮮香草, 令燒出嚟嘅烏頭不單沒腥氣, 魚肉還帶淡淡的香草清香。無骨海南雞飯附蘿蔔雞湯（$58）蘿蔔雞湯超清甜, 蘿蔔耐火, 要煲好耐才能煲出蘿蔔嘅甜味, 呢個湯做得到, 好甜。海南雞走骨, 啖啖肉, 浸得剛剛熟, 雞肉好嫩滑, 雞皮有
夏天食酸酸辣辣嘅泰菜好啱數, 2人晚餐百零二百, 仲免加一, 抵食!
咁多款.....食乜好呢？
原個椰青沙冰 ($39）
夏日炎炎, 等朋友之際先來個椰青沙冰降降溫, 原個椰青起肉加椰青水制成沙冰, 清甜涼快, 仲可以慢慢飲, 食完餐飯仲有得飲, 唔係冰水, 係溶咗嘅椰青水
泰式拼盤 （$59）
有蝦餅、春卷、泰式香茅魚肉, 拈泰式甜酸醬, 好開胃。
最好味係呢件炸香草辣魚肉, 香草味好濃烈, 爽口彈牙, yummy。
鹽燒烏頭 （$105）
在鹽及烏頭魚皮保護下, 燒出嚟嘅烏頭肉富魚汁, 完全唔乾, 肉質實淨冇泥味, 拈2滴泰式檸檬酸辣薑溶吃, 生色不少。
揭開肚皮, 塞滿泰式香草, 這是辟腥良方, 有香葉、香茅、檸檬葉、南薑等新鮮香草, 令燒出嚟嘅烏頭不單沒腥氣, 魚肉還帶淡淡的香草清香。
無骨海南雞飯附蘿蔔雞湯（$58）
蘿蔔雞湯超清甜, 蘿蔔耐火, 要煲好耐才能煲出蘿蔔嘅甜味, 呢個湯做得到, 好甜。
海南雞走骨, 啖啖肉, 浸得剛剛熟, 雞肉好嫩滑, 雞皮有點肥, 走皮再拈些泰式檸檬酸辣汁, 冇得輸！我食野好少拈醬, 除咗泰菜, 泰醬實在太 amazing 了, 而黃薑油雞飯味道唔太出眾, 如果加多少少黃薑粉及減返少少水份煮會好啲, 我則加了一匙烏頭的泰式檸檬酸辣薑溶撈黎, 惹味好多。
泰式椰菜苗 （$73）
芒果糯米飯 （$45）
夏天芒果當造, 又香又甜又多汁, 芒果糯米飯係泰菜必食item, 椰汁夠濃杰, 份量下得大方, 富椰香, 唔太甜膩, 糯米飯煮得好軟滑, 朋友鍾意食軟飯, 勁like, 我就比較鍾意食硬身的米飯。
張貼
