大雞大超級雞排 (已結業)

好耐以前都想食吓台式炸雞扒，究竟味道係咪同KFC差唔多呢？當日嚟到，都要揾吓呢間大雞大嘅位置，因為佢並唔係好似KFC咁，遠遠就會聞到好香嘅炸雞味。望一望d雞扒類，有招牌大塊超級雞扒、超滑雞扒，BB雞等，但望落好似全部都冇乜分別咁...終於, 買咗一件超級雞扒，少辣。 店員應該一早炸好d雞扒放喺度，因為買咗飛後，店員就馬上喺盆雞度夾起一塊，然後好熟手咁剪吓剪吓 ，之後灑上調味粉同辣粉。食落d雞好滑好juicy ，份量都唔少，有好濃嘅五香粉同少少麻辣粉味道，食完一塊後又想食，愈食愈上癮，真係幾好食，但就唔覺脆。價錢 :  $22/超級雞扒, 加埋一罐飲品，都只需$26咋，好抵呀！下次都會再食！