梨泰院 (愉景新城) (已結業)

突然好想食炸雞，諗起炸雞一定係食韓國嘢啦，探荃灣嘅朋友仔，梗係要留係荃灣消費一下。係愉景新城入面搵到呢度，就試下啦。好，坐低睇下有咩好食先。首先有啲前菜食下，泡菜係我嘅最愛。蜂蜜柚子味炸雞，柚子味甜甜地，最緊要係多汁唔會乾，炸雞脆卜卜，唔錯。芝士辣炒章魚，海量嘅芝士，拉絲拉極都唔斷，炒章魚又唔會太辣。韓式炒年糕，煙煙韌韌嘅年糕，真係食極都唔會厭。飲品就叫左朱古力，柚子蜜，飲品都好大杯，食得好開心。