影片
更多
2018-12-09
3138 瀏覽
話說我同女朋友都有追開以下Youtuberhttps://youtu.be/Hnwo4Fypbbc咁佢話係冇收錢而且係實力小店，當然想試下啦。我九龍人，今日特登去西環試，仲要幾肚餓，點知一半都食唔但係竟然可以嬲到我會出一個Post 會寫佢難食好啦，咁youtuber 介紹個“starawbelly latte“(店員話呢個名)?! 揾極個menu 都冇，形容俾waitress 知，佢諗咗一諗，先話有，ok 我地叫咗一杯“士多啤梨奶“同一杯紅酒佢地自己整個Earl Grey牛油同個包，包面燒過，包似歐洲啲硬包，比較硬同乾身，味道唔錯，個人唔太鍾意呢種質感茶牛油配硬包：免費跟住嚟士多啤梨奶，味道似牛奶公司三色雪糕嘅士多啤梨味，好唔好味，見人見致啦(我覺得ok)士多啤梨奶：$40，唔算貴，有大概一杯白酒杯嘅份量再嚟紅酒，以餐酒嚟講係幾好飲紅酒：$60 平嘅再嚟叫咗個Scallops Kobujime tartare呢個dish味道清新，帶子有少少海水味又少少甜，加埋切到好碎嘅青瓜粒，大葉雪葩(甜)，同埋佢地個醃雪梨， 真係撞幾好味(如果佢輕輕咁加幾滴意大利紅酒醋(或者醃梨個汁)去夾一夾啲甜味
https://youtu.be/Hnwo4Fypbbc
咁佢話係冇收錢而且係實力小店，當然想試下啦。
我九龍人，今日特登去西環試，仲要幾肚餓，點知一半都食唔但係竟然可以嬲到我會出一個Post 會寫佢難食
好啦，咁youtuber 介紹個“starawbelly latte“(店員話呢個名)?! 揾極個menu 都冇，形容俾waitress 知，佢諗咗一諗，先話有，ok 我地叫咗一杯“士多啤梨奶“同一杯紅酒
佢地自己整個Earl Grey牛油同個包，包面燒過，包似歐洲啲硬包，比較硬同乾身，味道唔錯，個人唔太鍾意呢種質感
茶牛油配硬包：免費
跟住嚟士多啤梨奶，味道似牛奶公司三色雪糕嘅士多啤梨味，好唔好味，見人見致啦(我覺得ok)
士多啤梨奶：$40，唔算貴，有大概一杯白酒杯嘅份量
再嚟紅酒，以餐酒嚟講係幾好飲
紅酒：$60 平嘅
再嚟叫咗個Scallops Kobujime tartare
呢個dish味道清新，帶子有少少海水味又少少甜，加埋切到好碎嘅青瓜粒，大葉雪葩(甜)，同埋佢地個醃雪梨， 真係撞幾好味(如果佢輕輕咁加幾滴意大利紅酒醋(或者醃梨個汁)去夾一夾啲甜味會更好，咁因為佢每碟野都寫到係中式撞其他地方或者係啲好少咁夾嘅食材，呢碟野俾到啲信心我地，咁就叫多咗個雞翼啦
結果，呢個就係坐過山車嘅開始。。。
跟住嚟個紫薯餅，小心，個碟好熱，不過侍應係唔會提你
紫薯餅上面好多醬，有幾層(似千層糕)，個皮焗燶咗，紫薯係片，唔係蓉，唔係全熟，咁薯餅呢個質感已經唔得，再加埋佢個面啲酸汁，係味道加質感都好難食，想像下一個爽嘅薯餅加醋酸汁
Pan Fried Purple Pommes Anna: $72 價錢唔貴，但食咗1/5就食唔到
隔咗一陣，嚟咗燉牛肉配面包，老實講，淨係個牛肉係ok 的，似牛腩鋪啲牛腩但質感係慢煮咁，but....佢加咗個超級酸嘅炆蕃茄汁，係似30%牛肉湯加70%白醋炆蕃茄，完全破壞晒個平衡，本來炆蕃茄汁放埋解膩係Very clever idea... 但係想法係好，實現唔到
Guiness Braised Beef : $136, potion 超細，份量嚟講性價比幾底，加埋質素，唔好提
經典嚟啦，新叫嗰個牙買加辣雞翼，本來因為第一樣好食，所以叫，而且正常雞翼好難唔好食，點知係伏中之伏
先講賣相，一pat 綠黑色，但係 唔勻循一邊黑，一邊綠嘅嘢鋪咗喺啲雞翼上面， 而且係鋪得勁唔均勻有啲有有啲冇，算，我諗可能牙買加係咁，但原來食先係神伏，伏到番唔到身
質感係內脆內軟嘅，但係佢個軟係喺水喉水浸太耐浸軟嗰種
味道係除咗出面pat 黑綠野有少少辣味同苦味，就冇味，冇味係好似食緊水咁，仲要係水喉水，我從未食過咁難食嘅雞，仲難食過冇加鹽嘅滾水淥雞胸，仲要係淥咗勁耐嗰種，我食完係反胃，作咗勁耐嘔
Jerk Chicken Wings: $78 (Real Jerk)
白兔糖奶凍：唔差 有白兔糖嘅米紙味
White Rabbit Panna Cotta: $84，有藍莓有士多啤梨仲有藍莓啫喱，價錢ok
同場加影，當我頂唔順時，隔離枱都講緊佢啲野好難食，平時啲野佢地一上枱就清晒，今次佢地淨好多。
跟住大家仲交流咗陣有幾難食。
啲樣衰嘅冇影，甜品已經冇心機影
結論：佢應該只做甜品，雪葩同奶凍幾好
其他完全係伏咁滯，全餐係浪費咗好多食材
115 瀏覽
0 讚好
0 留言
張貼
