影片
更多
2017-02-09
364 瀏覽
華都呢邊開左好多新嘅食店，不過我好多時都係幫襯番舊嘅幾間，以前喺附近讀小學，真係好多回憶。印象中都有雜誌介紹過新嘅幾間食店，唔知呢間有冇份。唔想俾人話我地成日唔支持小店，但問心，食親都唔多掂，點支持？某日收工去到呢頭見有啲餓，電梯旁邊嘅小食店好多人排隊，轉角呢間就冇乜人，所以決定食個雞蛋仔~等左一陣就整好，一拎上手熱辣辣，以為有好野？雞蛋仔 $12我想講，一接過，完全冇出力，已經碎成咁散哂…想幫佢影番張靚仔啲嘅相都唔得食水唔靚，好懷疑到底有幾多蛋漿…最可取係，都叫食到脆口。味道可以話係零，又唔甜，又冇蛋味，又唔鹹，總之閉目食嘅話，絕對唔會知道係食緊雞蛋仔！中伏！老實講，一般水準嘅雞蛋仔，都成日食到，平時亦都有買開小販檔、小食店嘅雞蛋仔，最多叫普通。但咁難食嘅，我都係第一次食到。老闆娘好有禮，亦都符合小店標準，好想支持，但可否改善下質素先…？
印象中都有雜誌介紹過新嘅幾間食店，唔知呢間有冇份。唔想俾人話我地成日唔支持小店，但問心，食親都唔多掂，點支持？
某日收工去到呢頭見有啲餓，電梯旁邊嘅小食店好多人排隊，轉角呢間就冇乜人，所以決定食個雞蛋仔~
等左一陣就整好，一拎上手熱辣辣，以為有好野？
雞蛋仔 $12
我想講，一接過，完全冇出力，已經碎成咁散哂…想幫佢影番張靚仔啲嘅相都唔得
食水唔靚，好懷疑到底有幾多蛋漿…最可取係，都叫食到脆口。味道可以話係零，又唔甜，又冇蛋味，又唔鹹，總之閉目食嘅話，絕對唔會知道係食緊雞蛋仔！中伏！
老實講，一般水準嘅雞蛋仔，都成日食到，平時亦都有買開小販檔、小食店嘅雞蛋仔，最多叫普通。
但咁難食嘅，我都係第一次食到。
老闆娘好有禮，亦都符合小店標準，好想支持，但可否改善下質素先…？
張貼
