寶哥味館 (已結業)

兩個人叫左兩碟牛, 一碟羊 , 兩碗飯 ($12 一個好細碗) , 一個韓國薯仔麵 ($25 , 夠去超市買一大包) , 一碟生菜 , 兩隻蠔 ($30一隻) , 一杯細啤酒 , 加清湯底 , 埋單差不多 $730 , 好貴呀 , 已經冇叫 d 咩海鮮都成 $365 一個人 , 早知去食個 buffet 仲抵 , 所謂招牌本地肥牛 $200 幾但又硬又多根又冇牛味 , 而且鋪頭位置只係黃埔舊區既後街 , 點解可以收咁貴 ? 仲要又貴又唔好食 我絕少寫食評 , 所以冇相又冇記低價錢 , 不過食完覺得物非所值所以要寫低提下其他人