eyescream and CHURROS (已結業)

又話開12點，1點半去到竟然話未整好仲要等多1個鐘！咁就唯有同朋友係附近行下先再返嚟。返到嚟店員話準備好咁我哋就揀味俾錢啦。但佢個牌寫d嘢唔清唔楚，又冇寫咩味churros同雪糕加幾錢，落單先同你講要加$8，一時又話冇呢隻味，朋友想食芝士味churros 又話冇。最後叫咗士多啤梨churros+牛奶雪糕同朱古力榛子churros+雪糕。諗住俾完錢就有得食，點知又係要等多10分鐘。雖然冇其他客，但得一個店員係到整，又慢，真係等到有d燥。唔緊要，只要好食，我願意等。但一食落口已經覺得好失望！先講個雪糕又細杯又唔香奶味又唔滑，口感似棉棉冰多d。跟住到churros，其實見佢炸果陣已經見到有d燶，係啡色而唔係金黃色，雖然仲脆但入口好油。加上個士多啤梨醬味又唔係好突出，而且，原來佢d醬只會搽一面，仲要搽得唔均勻！真係俾d相呃哂！真係食到我好嬲！40幾蚊咁嘅質素，呢個價錢講真食到好多其他高質素嘅小食或雪糕。