煌極雞煲烤魚 (已結業)

見附近有間新開的雞煲邊爐放題，就打算同朋友高高興興食飯吹水。一入餐廳人影都唔多隻，已經心知不妙，但一場來到就即管試一試。首先，居然有一項額外附加費要星期五、六、日加＄50，而本身最平個set都已經＄200幾，有點兒過分。雞煲個煲好高，完全無辦法坐低食，被逼全程企起身食，都ok。但上菜又上少幾個，選擇又唔多，職員態度又差，已經有少少㷫㷫地。用餐時間限定90分鐘後截單無問題，但食物上漏又上得慢，客人都未食完就被趕走！當時餐廳外面未有客人排隊，裡面亦有其他空枱，完全不明白點解要急於趕客。我第一次有如此糟糕的體驗，呼籲大家不要光顧。最後每位埋單要至少＄330。個人對此餐廳評級為0星。