影片
更多
2013-04-29
259 瀏覽
星期日夜晚, 家人提議食呢間~去之前都唔知食咩, 去到原來係食炭爐打邊爐+BBQ...心知不妙。據過往經驗, 逄係自己燒烤既都好難好食得去邊...18:30 到, 佢地D位扎擺到一街都你係, 唔知點解好多人企晒係到食等位等到20:00...終於有位但帶我地7 人去咗個完全無燈光既位開枱...咁黑, 點食呀? 想睇下D野熟未都好難啦要求換第二度光D既位, 有個阿叔就開另一張枱俾我地(露天), 好過無啦(有幾張枱有光燈射住, 我地呢邊無)張木摺枱中間有個人手開既長方形洞, 相信係用黎放炭爐食物到了, 窩到了, 大家就對住中間個長方形洞等等等等多半粒鐘先有人得閒上個爐佢地用既其實唔係炭, 而係大陸用既煤炭, 即係圓型中間有好多個洞個種...得唔得ga...兩條生茄子成條上, 生魚都係成條上, 但個爐上咗個窩後得一半位又唔夠位燒唯有燒下乳鴿, 另一邊打住邊爐先燒乳鴿...結果因為太猛火, 燈光又唔夠, 燒到外面黑晒, 入面依然係生...燒羊架, 情怳都一樣, 佢d生肉全部都無味...要我地自己加d味粉先有少少味打邊爐食物只叫咗: 肥牛(得6-8片), 墨魚丸, 蟹子丸, 響鈴, 皇帝菜係肥牛幾
去之前都唔知食咩, 去到原來係食炭爐打邊爐+BBQ...心知不妙。
據過往經驗, 逄係自己燒烤既都好難好食得去邊...
18:30 到,
佢地D位扎擺到一街都你係, 唔知點解好多人企晒係到食
等位等到20:00...終於有位
但帶我地7 人去咗個完全無燈光既位開枱...咁黑, 點食呀? 想睇下D野熟未都好難啦
要求換第二度光D既位, 有個阿叔就開另一張枱俾我地(露天), 好過無啦
(有幾張枱有光燈射住, 我地呢邊無)
張木摺枱中間有個人手開既長方形洞, 相信係用黎放炭爐
食物到了, 窩到了, 大家就對住中間個長方形洞等等等
等多半粒鐘先有人得閒上個爐
佢地用既其實唔係炭, 而係大陸用既煤炭, 即係圓型中間有好多個洞個種...得唔得ga...
兩條生茄子成條上, 生魚都係成條上, 但個爐上咗個窩後得一半位又唔夠位燒
唯有燒下乳鴿, 另一邊打住邊爐先
燒乳鴿...結果因為太猛火, 燈光又唔夠, 燒到外面黑晒, 入面依然係生...
燒羊架, 情怳都一樣, 佢d生肉全部都無味...要我地自己加d味粉先有少少味
打邊爐食物只叫咗: 肥牛(得6-8片), 墨魚丸, 蟹子丸, 響鈴, 皇帝菜
係肥牛幾好食, 其他都一般
另外燒野食因為太暗, 全呈都要用手機燈照住燒, 火太猛d野又易燶又唔熟
最後既燒物: 烏頭魚, 蕃薯, 茄子正常外, 其他都唔食得!
最重要後加既所謂西冷牛排...燒完食落先發覺酸既!!!已變壞!!!
同阿姐講, 佢踩我地都傻, 好在全埸得一個阿叔好人, 話唔收呢個牛排錢
食完大家都一肚氣, 又唔飽, 埋單仲要$1077! 真係一肚氣
題外話/補充資料：
平時我都好喜歡去大排擋, 但呢種明顯係非法擺晒出街, d食具全部黏黏的, 衛生情況差, 連最基本燈光都無...唉
(以上食評乃用戶個人意見 , 並不代表OpenRice之觀點。)
張貼