囍公館 (已結業)

本身屋企聚餐, 想揾間可以帶狗嘅餐廳, 見呢間餐廳新開, 就打算訂位試下。訂位時話可以安排搬一張飯枱到室外, 後來去到就冇搬到, 唯有坐戶外梳化喺茶几上面食飯。脆皮和牛配咖哩汁 $588, 我咁大個人都未食過咁鞋口嘅和牛肉, 和牛可以煮都咁柴真係算勁。日本柚子黑醋香芒汁脆蝦球6件 $188, 黑醋汁好奇怪, 難食。原本想叫黑松露法葱炸子雞, 不過又話要訂先有, 退而求其次, 脆皮鹽焗本地雞1隻 $498, 好普通, 亦都唔脆皮。脆皮琵琶豆腐不過不失。奇怪嘅係呢間餐廳只有五榖飯, 沒有白飯, 我唔食五榖唯有點炒飯。其實呢間野我覺得同連鎖餐廳差唔多質素, 要食好嘅新派中菜出面大把選擇。一句到尾呢間野份量細價錢貴, fusion 中菜味道配搭奇怪, 絕對唔會再去。