晶晶甜品 (已搬遷) 新店位置

第一次寫食評，因為太嬲太難食。碗薑汁豆腐花超難食。又無問我凍定熱，大熱天時30幾度比碗熱我，我拎到返屋企先知，啲豆腐花完全唔滑，完全冇薑汁味，啲黃糖又隊晒入去，成碗豆腐花係得個小小嘅甜味，都唔知自己食緊乜。楊枝甘露收咁貴以為會好啲，點知騎騎呢呢整幾片楊桃落去，我冇食過裏面有楊桃嘅楊枝甘露，可能我唔識啦。碗野又勁稀，總之成碗野都係好難食，想點。好耐無食過咁難食既糖水甜品總數$71 蚊 薑汁豆腐花 $26 + $40幾蚊楊枝甘露仲有個收銀嘅勁黑面，好似爭佢錢咁。完全係貼錢買難受。如果想開開心心去食碗甜品嘅，我勸大家千祈唔好再去呢間野。咁基本嘅糖水都整得咁差。