St. Barts (已結業)

聖誕諗住去個偏遠啲嘅地方，上網搵左好耐搵到呢間餐廳。喺OpenRice望落間餐廳幾靚，食物賣相都好似唔錯，又有3個鐘free parking，見個Christmas Menu 似模似樣就打左去book （雖係buffet style，但我見佢收$658一位應該有咁上下）。 去到第一下見到啲野食好隨便咁放係啲熱盤上面，就知道係伏。但山長水遠黎到，點都試左先。首先，原本寫明既龍蝦湯，最後變左南瓜湯，仲要我地主動問個侍應先肯講話last minute轉左menu。頭盤選擇少，都係煙三文魚、巴馬火腿個啲，唔係特別好味或難食，無comment。到啲主食，全部都係凍既，淨係個mac & cheese食得落肚。個燒牛肉同個火雞，乾到呀媽都唔認得，食一啖都嫌多！個甜品cheese cake同小蛋糕，都算正正常常啦。總之一個字形容：伏。1月前都建議你唔好去，逼你食佢個christmas buffet仲要選擇少，野食凍，完全唔值呢個價。