清心齋 (已結業)

今日出街買餸呀仔話想食甜嘢，於是就係街市到買啲小食比佢滿足下佢啦，見呢間鋪頭幾多人排隊就買啲黎試下，我揀左份彩虹椰汁糕，首先因為自己私心中意食椰汁糕，第二就緊係見到佢個外相幾靚，七彩顏色咁，呀仔應該會幾中意就試下，通常小朋友都中意呢啲架嘛，椰汁好重既糕底搭配埋彩色啫喱粒，有唔同既水果味，味道又唔會太甜，我同呀仔都幾中意食，跟住我再買左份芒果西米糕比老公食，同樣都係好香既椰汁味，不過呢個溝埋西米口感就特別啲，另外芒果肉都好新鮮呀！