影片
更多
2019-03-23
28 瀏覽
返咗成日工個人謝晒，收工即刻去見個靚靚fd搵間靚靚cafe再食埋個靚靚dinner🥰灰白色牆身同乾花係勁文青feel嘅打卡位，不過夜晚後比較多人，冇得揀位亦都冇日光，真係好想影相記得要日頭黎！我地就志在搵個舒服嘅cafe傾下計而已～晚餐餐牌，另有提供dinner set，但好似和牛扒個類就要預訂先有。泡沫鮮奶培茶 $56店內出名抹茶/培茶，點咗杯培茶熱牛奶，好好飲！培茶味好重好香濃，而且唔太甜，熱熱地咁飲落好舒服☺️蝶豆花白桃乳酸梳打 $54朋友點嘅桃梳打，味道係點應該都冇咩懸念😂都係為咗影相個刻，杯子同顏色靚💜蘑菇湯 餐湯用大量蘑菇打成蓉嘅蘑菇湯，一飲就知足料，飲到想再添～～明太子蟹肉沙律小法包 $62呢個包有驚喜！明太子同蟹肉多到呢，啲料仲多過塊包。辣味明太子好惹味，蟹肉口感超豐富，每一啖都好滿足。三文魚排 $198之後個main隔咗一陣先上，好彩我同朋友都係hea住食。一見到心諗上面個啲係咪豆豉😂切開見到舊肉咁嫩滑就冇問題了，應該係慢煮過再煎香外皮，所以係外脆內超級軟，煎香咗個陣油脂香味都湧晒出黎～黑松露蘑菇貓耳朵 $88又再等咗陣先有另一個麵食，黑松露同菇係冇得輸嘅配搭，加上個汁
灰白色牆身同乾花係勁文青feel嘅打卡位，不過夜晚後比較多人，冇得揀位亦都冇日光，真係好想影相記得要日頭黎！我地就志在搵個舒服嘅cafe傾下計而已～
晚餐餐牌，另有提供dinner set，但好似和牛扒個類就要預訂先有。
泡沫鮮奶培茶 $56
店內出名抹茶/培茶，點咗杯培茶熱牛奶，好好飲！培茶味好重好香濃，而且唔太甜，熱熱地咁飲落好舒服☺️
蝶豆花白桃乳酸梳打 $54
朋友點嘅桃梳打，味道係點應該都冇咩懸念😂都係為咗影相個刻，杯子同顏色靚💜
蘑菇湯 餐湯
用大量蘑菇打成蓉嘅蘑菇湯，一飲就知足料，飲到想再添～～
明太子蟹肉沙律小法包 $62
呢個包有驚喜！明太子同蟹肉多到呢，啲料仲多過塊包。
辣味明太子好惹味，蟹肉口感超豐富，每一啖都好滿足。
三文魚排 $198
之後個main隔咗一陣先上，好彩我同朋友都係hea住食。
一見到心諗上面個啲係咪豆豉😂
切開見到舊肉咁嫩滑就冇問題了，應該係慢煮過再煎香外皮，所以係外脆內超級軟，煎香咗個陣油脂香味都湧晒出黎～
黑松露蘑菇貓耳朵 $88
又再等咗陣先有另一個麵食，黑松露同菇係冇得輸嘅配搭，加上個汁多到。。。（btw我都係第一次食貓耳朵，個樣係貝殼粉咁但煙韌得多，好喜歡）
以前以為呢度係環境靚而已，但原來食物都好正，好有心思又唔太貴，值得再黎！
張貼
