吉野家 (已結業)

六月十五日(日)今日又黎吉野家食Lunch，因為尋日換唔到銀包心有不甘，今日一定要得到佢！尋日食得太多飯，所以只叫左個牛肉煎雞雙拼飯、烏賊餅同鯖魚～　雙拼飯同烏賊餅尋日講左，只講今日新試鯖魚～鯖魚(+$10)鯖魚其實都推出左唔小日子，但始終唔大有好感，因為之前見過煙三文魚係係個膠袋度唧出黎加熱，感覺唔太好～　因為見到網上有網友話唔錯所以一試～　其實係日式食店不時都會點鯖魚，都幾鐘意鯖魚味道，估唔到吉野家尼舊都幾好食，舊魚魚骨起得非常乾淨，唔使驚食到骨，雖然無豉油但亦唔會唔夠味，仲覺得D魚肉都幾滑，食落亦無食罐頭感覺，不錯～$10一件好食鯖魚真係唔錯，以後又多一個選擇～食夠$50終於換到銀包，有得食仲有野送真係抵抵抵～